📖 *വചന വിചിന്തനം* 📖
"ജനക്കൂട്ടങ്ങളെ കണ്ടപ്പോള്‍, ഈശോയ്ക്ക്‌ അവരുടെമേല്‍ അനുകമ്പതോന്നി" (മത്താ. 9:36)
സഭ ഇന്ന് വിശുദ്ധ ജോൺ മരിയ വിയാനിയുടെ തിരുനാൾ ആഘോഷിക്കുകയാണ്. എല്ലാ വൈദികർക്കും തിരുനാളിന്റെ മംഗളങ്ങൾ സ്നേഹപൂർവ്വം നേർന്നുകൊള്ളുന്നു. തനിക്ക് സ്വന്തമായവ എല്ലാം ഉപേക്ഷിച്ച് ദൈവത്തെപ്രതി മനുഷ്യരുടെ ഇടയിൽ വേല ചെയ്യുന്നവരാണ് ഓരോ വൈദികരും. ദൈവത്തെയും മനുഷ്യരെയും കൂട്ടിയിണക്കുന്ന കണ്ണികളാണ് അവർ. സഭയുടെ അംഗമാകുന്ന നിമിഷം മുതൽ നിത്യതയുടെ വിളി സ്വീകരിക്കുന്ന നിമിഷം വരെ ഈശോയെ പങ്കുവച്ച് നൽകുകയും നമുക്ക് വേണ്ടി ആത്മാർത്ഥമായി പ്രാർത്ഥിക്കുകയും ചെയ്യുന്നവരാണ് ഓരോ വൈദികരും. അവരിലെ കുറവുകളും പോരായ്മകളും എല്ലാം നിറവുകളാക്കുവാൻ അവർക്കു വേണ്ടി ദൈവത്തോടു പ്രാർത്ഥിക്കുവാൻ നമുക്ക് സാധിക്കണം. അപ്പോൾ വൈദികരിലൂടെ ധാരാളം നന്മകൾ നമുക്ക് ലഭിക്കും. ദൈവം നമ്മെ സമൃദ്ധമായി അനുഗ്രഹിക്കട്ടെ. ആമ്മേൻ 🙏🏻🙏🏻🙏🏻 (2021 Aug. 04)
സ്നേഹത്തോടെ
ഫാ. തോമസ് മുട്ടേൽ
Tags:
വചന വിചിന്തനം