🔥🔥🔥🔥🔥🔥🔥🔥🔥🔥
*വി. മിഖായേല്‍ മാലാഖയോടുള്ള പ്രാര്‍ത്ഥന.*
*മുഖ്യദൂതനായ വി. മിഖായേലേ, സ്വര്‍ഗ്ഗീയസൈന്യങ്ങളുടെ പ്രതാപവാനായ പ്രഭോ, അന്ധകാരശക്തികളോടും പൈശാചികബന്ധനങ്ങളോടും ഈ ലോകത്തിലെ* *ഭൗതീക ആകർഷണങ്ങളോടുമുള്ള ആത്മീയ യുദ്ധത്തില്‍* *എപ്പോഴും ഞങ്ങളെ സഹായിക്കണമേ.*
*ദൈവം തന്റെ സ്വന്തം ഛായയിൽ സൃഷ്ടിക്കുകയും തന്റെ ഏകപുത്രനെ ബലികൊടുത്ത്* *വീണ്ടെടുക്കുകയും ചെയ്ത ദൈവമക്കളായ ഞങ്ങളെ പിശാചിന്റെ പ്രലോഭനങ്ങളിൽനിന്നും രക്ഷിക്കുവാന്‍* *കടന്നുവരണമേ.*
*വി. മിഖായേലേ, തിരുസഭ തന്റെ പരിപാലകനും സംരക്ഷകനുമായി അങ്ങയെയാണല്ലോ* *വണങ്ങുന്നത്! ഈശോമിശിഹാ തന്റെ മരണത്തിലൂടെ വീണ്ടെടുത്ത ആത്മാക്കളെ സ്വര്‍ഗ്ഗത്തിലക്കു കൂട്ടിക്കൊണ്ടുപോകുവാന്‍* *നിയുക്തനായിരിക്കുന്നതും അങ്ങു തന്നെയാണല്ലോ.*
*ആകയാല്‍, ഞങ്ങളുടെ പാദങ്ങളുടെ കീഴില്‍ പൈശാചികശക്തികളെ അടിമപ്പെടുത്തുവാന്‍ പിതാവായ ദൈവത്തോടു പ്രാര്‍ത്ഥിക്കണമെ.*
*പിശാച് ഒരിക്കലും* *ദൈവമക്കളായ ഞങ്ങളെ കീഴ്‌പ്പെടുത്തുകയോ തിരുസഭയെ* *ഉപദ്രവിക്കുകയോ ചെയ്യാതിരിക്കട്ടെ.*
*കര്‍ത്താവിന്റെ കരുണ എപ്പോഴും ഞങ്ങളുടെമല്‍ ഉണ്ടാകുന്നതിനായി ഞങ്ങളുടെ യാചനകള്‍ അത്യുന്നതന്റെ മുമ്പില്‍ സമര്‍പ്പിക്കണമേ. ദുഷ്ടജന്തുവും പഴയ സര്‍പ്പവുമായ സാത്താനേയും അവന്റെ കൂട്ടുകാരെയും പാതാളത്തില്‍ താഴ്ത്തണമെ. അവന്‍ മേലാല്‍ ഒരിക്കലും ഞങ്ങളെ വഴിതെറ്റിക്കാതിരിക്കട്ടെ, ആമ്മേന്‍.*
🔥🔥🔥🔥🔥🔥🔥🔥🔥🔥
Tags:
മദ്ധ്യസ്ഥ പ്രാർത്ഥനകൾ